Mes kandidatëve që rezultoi me më shumë vota të shtuara nga rinumërimi ishte Asllan Dogjani.
Sipas verifikimit të tabelës me të dhënat e plota të rinumërimit të Qarkut Tiranë, Dogjanit, në rezultante nga rinumërimi në palestrën e “Fahrie Hoti”, i janë shtuar 22 vota.
Por ajo që është interesante janë ato qendra numërimi ku Dogjanit gabimet e operatorëve i kanë hequr gabimisht vota.
Mes një liste jo shumë të gjatë kutish, Dogjani rezulton me 1 votë tepër ose 1 mangut. Përgjithësisht, në shumicën e kutive nga rinumërimi nuk ka ndryshim rezultati.
Vetëm në disa qendra Dogjani ka nga 3, 4, 5, ose 6 vota që nga rinumërimi i janë shtuar.
Kështu janë:
• QV 1584 me 4 vota që ishin zbritur gabim nga numëruesit ose ishin hedhur gabim në sistem nga operatorët e KQZ.
• Të tjera rezultojnë: 1588 me 5 vota mangut, 1592 me 4 vota mangut, 1540 me 3 vota mangut, 1803 me 5 vota mangut, 1845 me 3 vota mangut, 1919 me 6 vota mangut, 1961 me 5 vota mangut dhe 2078 me 3 vota mangut.
Në këto përmasa është e lehtë të flitet për gabime njerëzore, por Asllan Dogjani pretendonte se i ishin vjedhur votat.
E nëse pranojmë që Dogjanit ia paskëshin vjedhur, duhet të pranojmë që Dogjani qenka i sigurt se edhe pas 12 vjetësh, demokratët e urrejnë njësoj. Ndryshe, nuk kishte pse besonte që i kishin rënë në qafë.
