Arrestohet në Shijak Astrit Avdyli, kreu i grupit kriminal Avdylaj. Burime të bësuara te Policisë së Shtetit i thanë VNA se Avdyli u arrestua në shtëpinë e tij në Shijak. Ai ishte shpallur në kërkim nga SPAK në kuadër të operacionit Revanshi.
Gjithashtu mësohet se në momentin e arrestimit iu gjet dhe një pistolet që e mbante me vete.
Astrit Avdyli ishte në aleancë kriminale me Arben Ndokën, ish-deputet socialist dhe Ervis Martinajn, bosin e kumarit të zhdukur pa gjurmë dhe bënin plane për vrasjen e Durim Bamit, të fortit të Niklës.
Më herët, Avdyli doli në përgjime me ish-kryebashkiakun e Durrësit, Vangjush Dako për shitblerje votash në kuadër të dosjes së bujshme 339.
Ministri i Brendshëm, Taulant Balla, ka shpërndarë edhe pamjet nga arrestimi i Avdylajt.
