Është arrestuar djali i gjeneralit të bandës së Tiranës, Nehat Kulla, Robert Kulla, për dhunë ndaj njerkës së tij.
Robert Kulla është një personazh i njohur për policinë. Në 2016 u arrestua nën dyshimet për grabitjen e një banke të nivelit të dytë në zonën e ish bllokut. Më pas u lirua për mungesë provash.
Njoftimi i policisë
Specialistët për Hetimin e Krimeve të Komisariatit të Policisë Nr. 4 arrestuan shtetasin R. K., 43 vjeç, banues në Tiranë, për veprat penale "Dhuna në familje", "Vetëgjyqësia", dhe "Veprime në kundërshtim me vendimin e gjykatës". Ky shtetas dyshohet se ka ushtruar dhunë psikologjike ndaj bashkëshortes së babait të tij, e cila është e pajisur me urdhër mbrojtje dhe me vetëgjyqësi i ka thyer çelësin e bravës.
