Ndërsa zgjedhjet e 11 majit afrojnë, partitë e reja po shpalosin strategjitë e tyre për garën zgjedhore. Enkelejd Alibeaj nga partia “Djathtas 1912”, shprehu gatishmërinë për të bashkëpunuar në një koalicion parazgjedhor, duke theksuar nevojën për bashkimin rreth vlerave të përbashkëta dhe sfidimin e politikës së vjetër.
“Sot publiku shqiptar kërkon alternativa të reja. Kushdo që ndjen interesa të përbashkëta, duhet të bëjë hapin e parë, jo për protagonizëm, por për t’i ofruar vendit diçka të re. Jemi të gatshëm të marrim pjesë në një koalicion parazgjedhor me ata që sfidojnë politikën e vjetër,” deklaroi Alibeaj, duke nënvizuar se çdo koalicion duhet të bazohet në kushte të barabarta.
Në anën tjetër, Agron Shehaj, lideri i një tjetër partie të re, deklaroi prerazi se forca e tij politike nuk do të hyjë në asnjë aleancë. “Ne nuk do bëjmë aleancë me askënd. Do të hyjmë në zgjedhje vetëm,” tha Shehaj.
