Gjykata e Lartë ka prishur vendimin për masën e sigurisë ndaj Redi Mollës dhe Mariglen Qatos, duke kthyer çështjen për rigjykim. Ndërkohë, vendimi për Taulant Tushën ka mbetur në fuqi. Qato dhe Molla dyshohen nga SPAK për një sërë veprash të rënda penale, përfshirë korrupsionin, fshehjen e pasurisë dhe pastrimin e parave. Sipas Prokurorisë së Posaçme, ata janë pronarët faktikë të kompanisë 5D, e cila fitonte tenderë në mënyrë të paligjshme në Bashkinë e Tiranës, ku Qato dhe Molla drejtonin drejtori të rëndësishme.
