Zëvendës kryeministri i Parë i Maqedonisë së Veriut dhe njëherësh ministër i Mjedisit Jetësor dhe Planifikimit Hapësinor, Izet Mexhiti ka folur për shpalljen “non grata” nga DASH i ish-zv.kryeministrit të mëparshëm shqiptar Artan Grubi.
Mexhiti tha se ish-zv.kryeministri, fishihet në Shqipëri dhe se është detyrë e organeve të rendit që përmes Interpol ta arrestojnë.
“Mendoj se është detyrë e organeve të rendit, ata do të bëjnë dhe padi ndërkombëtare përmes INTERPOLIT. Sipas informatave, nuk është në Kosovë, por është tek ju në Shqipëri. Por s’është kjo e rëndësishme, por me arratisjen e tij ka dëshmuar fajësinë e tij dhe ndaj ai ka ikur nga vendi”, tha Mexhiti.
