Kryeministri i Kosovës, Albin Kurti, gjatë fjalës së tij në mbledhjen e përbashkët mes Kuvendit të Kosovës dhe Shqipërisë, theksoi rëndësinë e bashkëpunimit mes dy shteteve shqiptare, duke vënë në pah aspiratën shekullore për ruajtjen e identitetit kombëtar dhe bashkimin.
Kurti nënvizoi se dy shtetet, ndonëse të themeluara në periudha të ndryshme kohore, janë shprehje e të njëjtës ëndërr kombëtare.
“Dy shtetet tona edhe pse të themeluara në distancë kohore nga njëri-tjetri janë shprehje e të njëjtës aspiratë shekullore për ruajtjen e identitetit dhe bashkimin kombëtar,” deklaroi Kurti.
Ai shtoi se shqiptarët nën Serbi vazhdojnë të jenë komuniteti etnik më i diskriminuar në Kosovë dhe kërkoi vëmendje të shtuar për ta në kuadër të bashkërendimit të politikave mes Tiranës dhe Prishtinës.
“Shqiptarët nën Serbi janë komuniteti etnik më i diskriminuar në Kosovë. Ata meritojnë vëmendjen më të madhe në bashkërendimin e politikave të Shqipërisë dhe Kosovës,” tha Kurti, duke theksuar se “shqiptarët nuk janë fajtorë që janë autoktonë.”
Kryeministri e mbylli fjalimin e tij duke theksuar se Kuvendet e të dy vendeve kanë një rol kyç në miratimin dhe zbatimin e marrëveshjeve që lehtësojnë bashkëpunimin mes qytetarëve të dy republikave shqiptare.
