Erion Veliaj gjen çdo rast për të reklamuar atë që bën, por më shumë për t’i bërë reklamë asaj që nuk bën apo fsheh.
Kështu ka ndodhur dhe me instagramin e tij. Rrjetin e preferuar ku Veliaj shfaqet me propagandën e tij duke reklamuar punë që si bën apo servilizmin për shefin e madh. Dhe kur platforma e preferuar me foto, video dhe melodi pa thelb mbyllet Veliaj bezdiset pse media flet për këtë. Sepse normalisht ky nuk është një lajm i prodhuar nga zyrat e tij.
Ka shumë pak ose aspak mundësi që një fabrikë e madhe prodhimi videosh dhe kasetash, që kontrollon FB dhe Instagram nëpërmjet Acromax, që bllokon çdo faqe apo profil që flet kundër tij…. Të na jetë hakeruar. Kush tjetër në Shqipëri ka fuqinë financiare dhe politike të hakerojë një profil që e mirëmbajnë me dhjetra njerëz e me miliona lek? Kush na qenkan ata “iranianë” që mundohen të hakerojnë një faqe që nuk prodhon asgjë më shumë se propagandë dhe që merr veç pëlqime administrate dhe militante?
Erion Veliaj e ka humbur pak toruan muajt e fundit dhe nuk ka pranë më as bashkëpunëtorë që ti kujtojnë se sot hetimet përqëndrohen dhe tek postimet në rrjetet sociale. Tek detaje të publikuara në rrjete sociale që bashkëpunëtorë dhe të ngjashëm me Veliajn që janë pjesë e dosjeve që hetohen nga SPAK. Kjo humbja e toruas dhe video selfie me filtra nuk ja heq dot kryetarit të bashkisë së Tiranës hijen e rëndë që i kanë lënë hetimet për inceneratorin dhe grupin e strukturuar në institucionin që drejton. Ndoshta nuk do ishte keq të përgatistë dhe një video përshëndetëse për “kolegët” e SPAK. Vetëm se ata e kanë të ndaluar të përdorin rrjete sociale, mundet vetëm ti hetojnë kur duan të zbulojnë ca detaje që mund të jenë të dobishme për drejtësinë.
Zoti Veliaj! Në botën e teknologjisë asgjë nuk fshihet e asgjë nuk humb.
