Zbardhen bisedat në Sky ECC mes të dyshuarve si pjesëtarë të një grupi të strukturuar kriminal që trafikonte drogë nga Amerika Latine drejt vendeve të BE-së apo Britanisë së Madhe. Shtatë personat e dyshuar janë Plarent Dervishaj, i cili po gjykohet në GJKKO për krime të rënda, Erion Alibej, që po ashtu është në gjykim për vrasje e atentate mafioze, ndërsa u arrestuan së fundmi, Ermir Ndreaj, pronari i Cinco dhe kompanive të tjera të njohura, dy vëllezërit Artur e Klevis Hoxhosman, ndërsa u shpallën në kërkim Ilir Lloshi (një tjetër Ilir Lloshi u arrestua gabimisht, pasi përkonte emri dhe mbiemri, por u lirua) dhe Devid Patrut.
Në bisedat e zbardhura në dosje, flitet për mënyrën sesi organizohej trafiku i kokainës dhe sesi kamuflohej kokaina. Pjesë nga dosja Në komunikimet e zhvilluara mes të hetuarit Plarent Dervishaj dhe bashkëpunëtorëve të tij të paidentifikuar, gjatë periudhës kohore ndërmjet datës 5.3.2020–16.6.2020, evidentohen një sërë mesazhesh mes tyre që e identifikojnë Dervishajn si drejtues të aktivitetit kriminal në fushën e narkotikëve.
Plarent Dervishaj, siç rezulton nga mesazhet e shkëmbyera, ka komunikuar në lidhje me aktivitetin e tij kriminal, ku përmend destinacione të ndryshme si Santa Marta, Kolumbi, për Anvers, Belgjikë, për masën e lëndës narkotike të kapur nga autoritetet doganore në Spanjë, si edhe për bashkëpunëtorët e tij që operojnë në këtë aktivitet. Në komunikimin e datës 30.4.2020, i hetuari Dervishaj i konfirmon bashkëbiseduesit dërgimin e një sasie prej 811 copësh si pjesë e dërgesës së parë për llogari të tij. Në komunikimet e datës 5.3.2020, rezulton se Dervishaj, përmes platformës së enkriptuar Sky ECC me kod “DS6DG6” (identifikuar i hetuari Artur Hoxhosmani), në komunikimin e datës 7.3.2020, i konfirmon bashkëbiseduesit datën e nisjes së ngarkesës, si gjithashtu një sasi prej 300 pakosh me lëndë narkotike.
Gjatë komunikimit të datës 9.3.2020, ai flet për humbjen e një sasie të konsiderueshme narkotikësh, të cilët i përkasin datës 10.3.2020, dhe dërgon bashkëbiseduesit disa foto, duke i thënë:
“Juli” (i paidentifikuar) që është me këta që janë problem”.
Në komunikimin e datës 30.4.2020, i hetuari Plarent Dervishaj i konfirmon bashkëbiseduesit lidhjen narkotike prej 811 copësh që kishte sekuestruar policia para dy ditësh pas kapjes së dërgesës së tij, do të ishte i mirësjellë për këtë sekuestrim, pasi janë bërë gjithë mundimet nga grupi i tij i strukturuar kriminal për të rimarrë sasinë e lëndës narkotike, siç i kishte informuar lidhur me arrestimin nga policia si dhe shokët e tij të komunikimit, duke e njoftuar bashkëbiseduesin për origjinën e lëndës narkotike (Ekuadorin), ashtu dhe për mënyrën e transportimit të saj (me paleta druri).
2020-03-05 15:36:50 PKLQG6: Nga Santanare bëhet gjë?
2020-03-05 15:37:16 PKLQG6: Për në Anvers?
2020-03-05 15:37:21 PKLQG6: Me çanta.
2020-03-05 15:37:38 PKLQG6: 188
2020-03-05 15:38:04 PKLQG6: Po
2020-03-05 15:38:13 PKLQG6: Është super i fortë ky, vlla
2020-03-05 15:39:02 PKLQG6: Po që je, ja merr mendja ta jap kontaktin që të sqaroheni më mirë
2020-03-05 15:40:56 PKLQG6: Ok, ja se ta çoj tani.
2020-03-05 15:41:02 PKLQG6: Me punëtor dhe siguri
2020-03-05 15:42:01 PKLQG6: Vlla, këtu rri pa merak.
2020-03-05 15:43:04 PKLQG6: Janë shumë të saktë
2020-03-05 15:42:41 PKLQG6: Këto janë seriozë me punë, e s’dua t’i humb.
2020-03-05 15:43:45 PKLQG6: Këtu garantoj unë
2020-03-05 15:43:50 PKLQG6: Ok 2020-03-05 15:45:12 PKLQG6: Ia nis tani kontaktin
2020-03-05 15:47:48 PKLQG6: Dëgjo
2020-03-05 15:48:05 PKLQG6: Para dy javësh bëri dalje 300 copë
2020-03-05 15:48:45 PKLQG6: Nesër çoj Julin ta takojë
2020-03-30 16:20:16 PKLQG6: Si ku që merret puna, me hap i non ku dy ditë
2020-04-30 18:24:40 PKLQG6: 811 copë
2020-04-30 18:24:56 PKLQG6: U bënë 6 rrugë rresht që nuk ecin
2020-04-30 18:25:12 PKLQG6: Është më keq, s’po e marr vesh
2020-04-30 18:26:00 PKLQG6: Ekuador
2020-04-30 18:26:56 PKLQG6: Me paleta druri
2020-04-30 19:02:12 PKLQG6: Po u kapën 4 ton dy ditë para, i futën gjithë anijet në skaner
2020-04-30 17:31:21 PKLQG6: Po çdo gjë ishte ok, po fat leshi
2020-04-30 21:27:30 PKLQG6: M’u kap ajo që të thashë në Belgjikë, 811
2020-04-30 21:27:56 PKLQG6: Ka më shumë se një muaj, vlla, e kisha firmë më firmë
2020-04-30 21:28:10 PKLQG6: Me palet druri
