Pas vrasjes së Martin Canit, drejtori i Policisë së Tiranës ka urdhëruar të gjitha komisariatet të mbajnë nën monitorim ambientet e jashtme të shkollave.
“Nxirrni urgjent të gjithë SPZ-të të marrin kontakt me rojet e shkollave që kanë në territor. T’i mbajnë nën monitorim ambientet e jashtme të shkollave. Të mbajnë kontakte me persona që banojnë apo kanë objekte afër shkollave në gjithë perimetrin, si dhe të informojnë nëse shikojnë persona të dyshimtë në këtë perimetër”, thuhet në mesazhin e shpërndarë.
Martin Cani u vra me thikë nga bashkëmoshatari i tij në ambientet e jashtme të shkollës “Fan Noli”. Ngjarja ka shkaktuar tronditje në opinionin publik, ndërsa po zhvillohen protesta.
