Një 44-vjeçar shqiptar është qëlluar me armë zjarri në tarracën e një kafeneje mbrëmjen e së dielës rreth orës 22:30 në Bruksel. Kur shërbimet e urgjencës mbërritën në vendngjarje, gjetën shqiptarin e shtrirë. Raportohet se viktima është në rrezik për jetën ndërsa ende nuk është zbuluar identiteti i plotë i tij.
Në videon e publikuar nga mediat belge, shihet një person me kapuç duke ecur drejt tarracës. Ai si fillim ka kaluar para viktimës, më pas është kthyer dhe ka qëlluar katër herë, ku dy prej plumbave janë në kokë. Autori më pas është larguar në këmbë. Ende nuk dihen shkaqet e këtij atentati.
Prokuroria e Brukselit përmes një komunikate për media njofton se shqiptari ndodhet në gjendje kritike për jetën. Hetimi i cili iu besua seksionit të vrasjeve të policisë gjyqësore federale në Bruksel, është në vazhdim, me qëllim përcaktimin e rrethanave të sakta të kësaj ngjarjeje, kontekstin e tyre dhe kapjen e autorit.
