Policia e Shtetit lajmëron paraprakisht ekstradimin e Dritan Rexhepit nga Turqia.
Rexhepi një narkotrafikant i njohur i arratisur nga Ekuadori akuzohet nga SPAK për urdhërimin e rrëmbimit të Jan Prengës, i cili më pas u vra dhe i zhdukën trupin.
Njoftimi
Si rezultat i bashkëpunimit ndërmjet Interpol Tiranës dhe homologëve në Turqi, pritet që ditën e sotme, të ekstradohet në Shqipëri, shtetasi i shumëkërkuar Dritan Rexhepi alias Gramos Rexhepi.
Ora e mbërritjes së këtij shtetasi do t’ju njoftohet në vijim, ndërsa informacioni i detajuar për të, bashkëlidhur me pamje filmike, do t’ju vihet në dispozicion pas mbërritjes së tij në Rinas.
