Një ngjarje e rëndë është shënuar mbrëmjen e sotme në zonën e njohur si "Pallati me Shigjeta", ku një 60 vjeçar ka tentuar të vetëvritet me lëndë djegëse.
Sipas raportimeve të policisë, shtetasi I. Q., rreth 60 vjeç, në orën 19:05, në afërsi të një karburanti ka tentuar të dëmtojë veten me lëndë djegëse.
Shërbimet e Policisë kanë ndërhyrë në mënyrë të menjëhershme duke neutralizuar përhapjen e zjarrit në trup.
Ai është transportuar me ambulancë për ndihmë mjekësore, pasi ka pësuar djegie në fytyrë.
