Lëkundje të forta janë ndjerë në orët e para të mëngjesit të së enjtes, rreth orës 01:46, në veri të Shqipërisë dhe pranë kufirit me Kosovën.
Epiqendra e tërmetit është lokalizuar në fshatin Vermicë, pranë zonës kufitare mes dy vendeve. Sipas të dhënave të para, magnituda e tërmetit ka qenë 4 ballë, dhe lëkundjet janë ndjerë qartë në disa qytete të afërta.
Deri tani nuk raportohet për dëme materiale apo të lënduar, por banorët e zonës kanë përjetuar shqetësim nga intensiteti i lëkundjeve.
