Jorida Tabaku është rikthyer zyrtarisht sot në Partinë Demokratike të drejtuar nga Sali Berisha. Në një video të regjistruar në hyrje të selisë blu, zonja Tabaku nuk iu përgjigj pyetjes së gazetarëve mbi ndjesinë e rikthimit në selinë e demokratëve.
Jorida Tabaku nuk ka mbajtur një qëndrim të qartë gjatë ndarjes së madhe që pasoi pas shpalljes “non grata” të Sali Berishës. Fillimisht, ajo u bashkua me grupin e drejtuar nga Lulzim Basha, por u shkëput rreth një vit më parë, gjatë periudhës së zgjedhjeve lokale. Së bashku me Gazment Bardhin, ata janë ish-bashkëpunëtorët më të afërt të ish-kryetarit Basha, që tani i bashkohen PD-së zyrtare, të drejtuar nga Sali Berisha.
