Kryeministri Edi Rama për median italiane, La Repubblica ka folur për vonesën e hapjes së dy qendrave për emigrantët në Gjadër dhe Shëngjin, të cilat ishin parashikuar për në 20 maj.
Shqipëria ofroi disponueshmëri dhe tokë, por asgjë më shumë".- u shpreh Rama duke ia lënë përgjegjësinë shtetit italian.
Kryeministri u shpreh se parashikon beteja politike dhe shpjegoi për gazetarin italian se ligjet nuk janë shqiptare, dhe se sipas tij është vetëm çështje e Italisë.
"Qendra do të jetë gati për disa muaj gjithsesi, kjo nuk është asgjë! Por problemi do të jetë funksionimi i tij! Dhe do të jetë shumë e vështirë për procedurat: si do të menaxhoni 3000 persona në 28 ditë me burokracitë italiane dhe rregullat evropiane?".
Sipas kryeministrit do të ketë apelime, do të ketë bllokime. Dhe nuk është vetëm ky problem: “Edhe ky plan Mattei… si ta çoni përpara? Po, mund të bëni marrëveshje, të hapni qendra në Tunizi ose Libi. Por a e dini se sa para janë në lojë për trafikimin e emigrantëve në ato brigje? Dhe gjithçka është menaxhuar shumë lart”, shtoi ai.
Marrëveshja e firmosur në Romë në 6 nëntor të vitit të kaluar, mes kryeministrit Edi Rama dhe homologes italiane Giorgia Meloni, përfshin emigrantët që nisen nga Afrika e Veriut dhe kapen në det nga anijet italiane.
Marrëveshja e nënshkruar në 6 nëntor të vitit të kaluar në Romë, mes kryeministres italiane Giorgia Meloni dhe atij shqiptar Edi Rama, parashikon ngritjen e dy qendrave, e para në Shëngjin ku do të kryhen procedurat e verifikimit të emigrantëve që nisen nga Afrika e Veriut dhe kapen në det nga anijet italiane dhe, e dyta në Gjadër, ku ata do të mbahen të izoluar, deri në përfundim të procedurave për pranimin ose jo të azilit. Përgjegjësia mbi çdo veprimtari do të jetë e Italisë, së cilës i njihet dhe juridiksioni i plotë mbi qendrën e pritjes. Maksimumi i kapacitetit të kampit në një vit është 36 mijë persona.
