Struktura e Posaçme Kundër Korrupsionit dhe Krimit të Organizuar (SPAK) ka bërë të ditur se ka administruar gjithsej 156 materiale kallëzuese në lidhje me krimet zgjedhore.
Nga këto materiale:
- 39 kanë kaluar në fazën e hetimit dhe janë regjistruar si procedime penale.
- 25 raste janë mbyllur me vendime për mosfillim të hetimit penal.
- 24 janë deleguar për kompetencë në prokuroritë e rretheve gjyqësore.
- 17 janë dërguar për verifikim në Drejtorinë Vendore të Policisë për informacione shtesë apo veprime të mëtejshme.
- 1 material është bashkuar me një çështje tjetër ekzistuese.
Pjesa e mbetur ndodhet ende në proces verifikimi.
Burimi i kallëzimeve për 39 procedimet penale:
- 21 janë inicuar nga referime të Policisë së Shtetit.
- 1 nga Shërbimi i Kontrollit të Brendshëm të Burgjeve.
- 8 janë nisur kryesisht nga vetë SPAK.
- 3 kanë ardhur nga kallëzime të qytetarëve.
- 3 nga Prokuroritë e Rretheve Gjyqësore.
- 3 të tjera janë bazuar në kallëzime të subjekteve politike.
Veprat penale të evidentuara në 39 procedimet:
- 33 procedime për korrupsion aktiv në zgjedhje, sipas nenit 328 të Kodit Penal.
- 4 procedime për korrupsion aktiv dhe pasiv në zgjedhje (neni 328 dhe 328/b).
- 1 procedim për përdorim të funksionit publik për qëllime politike (neni 328/a).
- 1 tjetër për përdorim të funksionit publik për qëllime politike dhe shpërdorim detyre (nenet 328/a dhe 248).
