Zjarri i një dite më parë rrezikoi seriozisht pasuritë kulturore, monumentet, bazilikave apo objekteve të ndryshme në Parkun Arkeologjik të Finiqit.
Pas një pune të pandërprerë edhe gjatë natës nga forcat operacionale nga bashkitë Finiq, Delvinë, Himarë, Sarandë, Konispol e Dropull, mbështetur nga 75 efektivë të Forcave të Armatosura dhe helikopteri Cougar është bërë e mundur shuarja e zjarreve në Finiq dhe Delvinë. Por puna po vijon nga strukturat vendore, për monitorimin e situatës, me qëllim shmangien e çdo mundësie riaktivizimi të vatrave.
Ministria e Mbrojtjes bën me dije se ndërhyrja e shpejtë e forcave, në temperatura të larta dhe terren të vështirë, një ditë më parë shmangu dëmet e pasurisë kulturore, monumenteve, bazilikave apo objekteve të ndryshme në Parkun Arkeologjik të Finiqit.
