Qarqet Lezhë dhe Shkodrër pritet që të përballen me rreshje të dendura gjatë tre ditëve të ardhshme. Agjencia Kombëtare e Mbrojtjes Civile dhe Ministria e Mbrojtjes kanë bërë thirrje qytetarëve të këtyre zonave të tregojnë kujdes të shtuar dhe të bashkëpunojnë me institucionet.
Ata shprehen se janë në monitorim të vazhdueshëm të situatës dhe në komunikim të ngushtë me pushtetin vendor dhe strukturat qendrore të sistemit të mbrojtjes civile për të rritur gatishmërinë sipas nevojës.
Në një njoftim zyrtar thuhet se Forcat e Armatosura janë në gatishmëri me mjete dhe pajisje të nevojshme për të ndërhyrë në rast emergjence.
“Një thirrje u drejtohet qytetarëve të qarqeve Lezhë dhe Shkodër që të tregojnë kujdes të shtuar dhe të bashkëpunojnë me institucionet për çdo situatë të mundshme”, thuhet në njoftim
