Sipas Shërbimit Meteorologjik Ushtarak, vendi ynë do të ndikohet nga kushte atmosferike të paqëndrueshme të mërkurën, për shkak të masave ajrore të lagështa dhe të freskëta me origjinë veriperëndimore.
Në orët e para të ditës dhe deri në mesditë, pritet që moti të karakterizohet nga vranësira të dendura dhe reshje shiu të herëpashershme, me intensitet të ulët deri mesatar në formë shtrëngatash. Në veri-perëndim dhe pjesërisht në qendër, reshjet do të jenë më të forta, me rrebeshe, stuhi dhe shkarkesa elektrike, madje edhe breshër në disa zona.
Pas mesditës, moti do të përmirësohet pjesërisht me alternime kthjellimesh dhe vranësirash, duke sjellë reshje të përkohshme dhe me intensitet të ulët.
Sugjerohet që qytetarët të kenë kujdes, sidomos në zonat më të prekura nga reshjet intensive dhe stuhitë.
