Reshjet e dendura të shiut kanë përfshirë qytetin e Durrësit mbrëmjen e sotme, duke shkaktuar përmbytje të disa rrugëve. Rrugët pranë kryqëzimit të stadiumit në lagjen 18 dhe pjesërisht në lagjen 17 u bënë të pakalueshme për shkak të nivelit të lartë të ujit.
Trotuaret u mbushën me ujë, duke krijuar vështirësi për automjetet dhe kalimtarët që kalonin në këto zona.
Megjithatë, përkeqësimi i kushteve të motit nuk ka ndikuar në funksionimin e portit të Durrësit. Raportohet se tragetet që janë planifikuar për të nisur drejt Italisë mbrëmjen e sotme do të lundrojnë sipas orarit të përcaktuar.
