Në ditët kur Serbia po përballet me një valë të fortë protestash kundër qeverisë, mediat serbe kanë publikuar fotografi të Danilo Vuçiç, djalit të presidentit Aleksandar Vuçiç, në Gjenevë të Zvicrës, me një pasaportë diplomatike në dorë.
Sipas burimeve lokale, Danilo Vuçiç është larguar urgjentisht nga Serbia për shkak të revoltës popullore dhe zemërimit të studentëve, të cilët kanë organizuar protesta të përditshme kundër qeverisë.
Danilo Vuçiç nuk është një figurë e panjohur për median serbe. Në të kaluarën, ai është përfshirë disa herë në përplasje me grupe të rinjsh për çështje nacionaliste, duke tërhequr vëmendjen dhe kritikat e opinionit publik.
Protestat në Serbi kanë intensifikuar tensionet politike, ndërsa akuzat për privilegjet e familjes presidenciale kanë shtuar zemërimin e qytetarëve.
