Seanca e sotme plenare ka zgjatur vetëm 20 minuta, mjaftueshëm për opozitën që të protestojë, duke bllokuar foltoren me pankarta dhe zhurmë, por pa krijuar kaos.
Megjithëse Garda kishte rrethuar Kuvendin me kangjella hekuri, deputetët e përjashtuar të opozitës vendosën të mos paraqiteshin në parlament, duke u fokusuar në protestën e nesërme.
Nga ana tjetër, mazhoranca nuk u pengua nga zhurma dhe vazhdoi diskutimet për projektligjet që ishin planifikuar të diskutoheshin, ku vetëm 4 deputetë socialistë morën fjalën nga vendi. Në sallë mungonte kryeministri Edi Rama.
