Kryetari i Partisë së Lirisë, Ilir Meta, në reagimin e tij të gjatë nga burgu, ka akuzuar Monika Kryemadhin se e ka gënjyer për faturat e paguara për shpenzimet shëndetësore jashtë vendit.
Në letrën e tij, Meta shkruan se kjo ka ardhur për shkak të garancive (të pavërteta) nga ish-bashkëshortja se çdo gjë ishte paguar, e deklaruar sipas ligjit.
“Përfundimisht më duhet të deklaroj shkurt se në gjithë pretendimet që ngre SPAK-u për hetimet 20-vjeçare ndaj meje, ka vetëm dy raste që më duhet të sqaroj. Mosdeklarimi sipas tyre i shpenzimeve të mia shëndetësore në vitin 2013 në Vjenë prej 7341 Euro.
Dhe në Nëntor 2014, shuma prej 7984 Euro në klinikën, Austri. Pra bëhët fjalë vetëm për 15 mijë Euro total në 20 vite hetime.
Më duhet të sqaroj se kjo ka ardhur për shkak të garancive (të pavërteta) nga ish-bashkëshortja ime se çdo gjë ishte paguar, e deklaruar sipas ligjit.
Pastaj çdo gjë tjetër ishte vetëm një makinacion për të më veshur mua përgjegjësi që nuk më takojnë pasi me procesin e deklarimit të pasurisë apo shpenzimeve shëndetësore dhe mjekësore merrej ish-gruaja ime në mirëbesim të plotë duke patur edhe avokatin dhe noteren për këto çështje, por edhe shumicën e pronave” – shkruan ndër të tjera Meta.
