Mijëra qytetarë amerikanë marshuan në rrugët e Los Angeles nën moton “Të luftojmë oligarkinë”, për të protestuar kundër ndikimit të miliarderëve në politikë dhe pabarazisë së thelluar ekonomike në vend. Tubimi u udhëhoq nga senatori i Vermontit, Bernie Sanders, dhe kongresmenia nga Nju Jorku, Alexandria Ocasio-Cortez, të cilët kanë qenë në ballë të protestave të ngjashme javët e fundit në disa shtete amerikane.
Pjesëmarrësit kërkuan largimin e ndikimit të “parave të pista” nga politika dhe denoncuan përpjekjet e figurave të pasura, si Elon Musk, për të dobësuar rolin e qeverisë federale. Në fjalimin e tij, Sanders theksoi se “askush në Amerikë nuk dëshiron të jetojë nën një sistem oligarkik”.
Protesta pati jehonë edhe në Silicon Valley, ku punonjësit e teknologjisë, dikur të distancuar nga aktivizmi politik, po i bashkohen gjithnjë e më shumë lëvizjeve për drejtësi sociale. Demonstrata e fundit shënoi një kthesë të dukshme, pasi drejtuesit e industrisë që më parë mbështesnin punonjësit, tashmë shihen të rreshtuar përkrah Donald Trump, duke thelluar ndarjet brenda komunitetit teknologjik.
