Mbrëmjen e kaluar ka shpërthyer një bombë pranë zyrave të Hellenic Train në Athinë. Mediat greke kanë siguruar pamjet nga momenti i shpërthimit, dhe një çantë shpinës ku ndodhej lënda shpërthyese, pak çaste para shpërthimit të madh.
Autorët kanë shkuar në vendngjarje me një motor dhe kishin lidhur çantën në një kolonë jashtë zyrave të Hellenic Train. Nga shpërthimi nuk raportohet për pesona të lënduar por vetëm dëme materiale.
Kjo ngjarje, vjen në një situatë kur zemërimi i gjerë publik është rritur si pasojë e tragjedisë hekurudhore Tempi të vitit 2023, në të cilën 57 njerëz u vranë kur një tren mallrash dhe një tren pasagjerësh që shkonte në drejtime të kundërta u vendosën në të njëjtën binarë.
