Qytetarët e Fushë Krujës dhe të Krujës kanë protestuar sërish ditën e sotme tek rrethrrotullimi i Thumanës, për arsyen nuk kanë një hyrje-dalje në autostradën Thumanë-Kashar.
Pasi nuk kanë marrë asnjë zgjidhje nga instituicionet përkatëse, qytetarët u mblodhën sërish sot për të bllokuar për 30 minuta të dyja krahët e autostradës, duke bërë që edhe qarkullimi i makinave të jetë i pamundur për pak kohë.
Pas kësaj, ka ndërhyrë policia, e cila është përplasur me protestuesit. Efektivët e shumtë në numër kanë hedhur edhe gaz lotsjellës, për të shpërndarë protestuesit.
Qytetarët e Krujës dhe Fushë Krujës kërkojnë hyrje-dalje me autostradën dhe dëmshpërblim të drejtë për prishjen e shtëpive dhe bizneseve.
Ndërkohë në mbështetje të tyre nuk është parë forca më e madhe opozitare Partia Demokratike e drejtuar nga Sali Berisha.
