Banorët e Krujës dhe Fushë Krujës nuk i ndahen kërkesës së tyre për të pasur akses në autostradën Thumanë-Kashar. Ata kanë protestuar sërish ditën e sotme ku nuk kanë munguar edhe përplasjet me policinë.
Qytetarët çanë kordonin e Policisë dhe bllokuan disa minuta autostradën. Gjatë shtyrjeve me policinë, një prej protestuesve i ka rënë të fikët dhe kjo ka sjell agravimin e situatës.
Ata shprehen të bindur në kërkesën e tyre duke mos u tërhequr deri në plotësimimin e tyre. Kjo ishte protesta e 6 e banorëve të Thumanës, me thirrjet ndaj autoriteteve për të patur akses në autostradën Thumanë-Kashar.
Rruga Thumanë - Kashar është ndërtuar tërësisht me fondet e kompanisë private Gener 2. Edhe pse i kanë dalë disa herë në krah protestës se banorëve, asnjë nga drejtuesit apo deputetët e PD nuk e përmend emrin e kësaj kompanie me pronar Bashkim Ulaj.
Pagesa për këtë rrugë është 270 lek të reja. Edhe pse pretendohet se është totalisht investim privat, kompania Gener 2 kompensohet nga shteti shqiptar nëse në rrugën Thumanë - Kashar nuk kalojnë 28 mijë mjete në ditë. Kompensimi kap shifrën e 8 milionë eurove.
