Prokuroria e Durrësit zbarkon pranë kompanisë KURUM në Elbasan për të sekuestruar të gjithë dokumentacionin në kuadër të hetimit që po kryen për eksportin e 102 kontejnerëve mbetjeve nga kompania “Sokolaj shpk” drejt Tajlandës që dyshohen të jenë toksike.
Dy oficerë gjyqësorë do të marrin çdo kontratë, marrëveshje, fatura, autorizim, regjistra, libra shitje, që lidhen me shitje për eksport oksid hekuri në sasinë prej 2816300 kg kompanisë “Sokolaj”, që më pas është eksportuar drejt Tajlandës.
Po ashtu Prokuroria kërkon të gjithë dokumentacionin që KURUM disponon për shitjen shoqerisë “Sokolaj shpk” apo subjekteve të tjera të mbetjes hi zinku.
Dokumentat do kërkohen përgjatë periudhës 2020-2024.
Për momentin prokurorët e ngarkuar me këtë çështje janë duke mbledh materialet e nevojshme për të hedhur më shumë drtië mbi dyshimet për transportin e lëndëve helmuese të prodhurara nga KURUM, transportuar nga Sokolaj shpk dhe që për momentin po lundrojnë në anijet e kompanisë Maersk drejt Shqipërisë. Javën e ardhshme pritet që të merren sërish në pyetje administratorët e kompanisë Sokolaj shpk, ata të KURUM dhe autoritetet e doganave.
