Prokuroria e Durrësit urdhëron sekuestrimit e dokumentave në Doganën e Durrësit që lidhet me eksportin e 102 kontejnerëve me mbetje të Kurum që janë eksportuar nga kompania Sokolaj shpk drejt Tajlandës, mbetje të cilat dyshohet se janë toksike dhe është vendosur të kthehen mbrapsht në Shqipëri.
Lajmi konfirmohet për VNA nga burime të besuara pranë grupit rë hetimit. Po ashtu burimet thanë se ëhstë ngarkuar policia gjyqësore me pyetjen e të gjithë doganierëve që janë marrë me procedurat e eksportit të ngarkesës.
Prokuroria është duke hetuar për shpërdorim detyrë dhe transportim të mbetjeve toksike pas skandalit që ka shpërthyer së fundmi. VNA ka publikuar detaje ekskluzive rreth këtij skandali ndërsa ka publikuar edhe dëshminë e administratores së kompanisë Sokolaj shpk, Gjovana Sokolaj.
