Eduart Alikaj, pronar i kompanisë “Edal-Vlora Construction” është dhunuar në qelitë e burgut të Vlorës. Burimet konfirmuan se konflikti ndodhi mesditën e djeshme, në Godinën A të paraburgimit, ku të paraburgosurit Ardit Koçi, Amarildo Toshkollari, Marsido Alushi dhe Beqir Selami, janë futur në qelinë e Alikajt dhe kanë filluar t’a godasin barbarisht.
Për pasojë Alikaj ka pësuar dëmtime të rënda. Pas ngjarjes, është bërë trasferimi i të paraburgosurve që dhunuan Alikajn, ndërsa i dëmtuari është transportuar në Spitalin e Burgut në Tiranë për trajtim mjekësor. Alikaj mbahej në paraburgim për akuzën e vjedhjes së disa makinerive në Itali.
