Partia Demokratike ka mbledhur sot kryesinë për të diskutuar çështjet organizative dhe procesin e primareve. Gati 90 ditë para zgjedhjeve dhe në pritje të procesit të primareve, PD më në fund ka vendosur procedurat mbi të cilat do të zhvillohet ky proces.
Burime brenda mbledhjes pohuan për VNA se gara për primaret do të zhvillohet në nivel qarku. Votimi për kandidatët do të jetë kualifikues dhe jo me skualifikim. Në procesin e votimit dhe më pas në atë të numërimit, kandidatët do të duhet të kalojnë një prag kualifikimi.
Vendimi i sotëm, që pritet të votohet në kryesinë e PD, do të kalojë për miratim në Këshillin Kombëtar të PD. Data e primareve është ende çështje diskutimi në këtë mbledhje që po zhvillohet në selinë e PD.
