Kryetari i Partisë Demokratike, Sali Berisha, ka folur sërish pas arrestimit të kryebashkiakut të Tiranës, Erion Veliaj, të cilin e quajti vegël të kryeministrit Edi Rama, që sipas tij, qëndron në krye të piramidës së krimit. Berisha theksoi se Rama duhet të japë dorëheqjen dhe vendi të shkojë në zgjedhje.
Sakaq, nga foltorja e Kuvendit vijoi akuzat ndaj kreut të qeverisë dhe bashkëshortes së tij.
Berisha theksoi se Rama duhet të japë dorëheqjen dhe vendi të shkojë në zgjedhje.
Sipas tij, baxhanaku i kryeministrit me mandat arresti ka marrë dhjetëra milionë euro tendera pa garë. Berisha akuzoi edhe Linda Ramën se është marrë me tenderat e AKSH-it.
Kryedemokrati e akuzoi mazhorancën si të mbushur me “delikuentë”, duke ngritur pikëpyetje mbi moralin dhe veprimet e zyrtarëve socialistë.
Një sfidë pati edhe për kreun e grupit parlamentar socialist Niko Peleshi, badigari i të cilit, sipas Berishës i kanë thyer këmben. .
“Niko, thuaja pse ia theve këmbën truprojës tënd në Selanik. Për çfarë mëkatesh ia bëtë atë?” – deklaroi Berisha, duke e sfiduar ministrin të tregonte të vërtetën.
Deklaratat kreu i PD i bëri gjatë seancës parlamentare të sotme.
