Kanë kaluar disa orë që nga arrestimi i Erion Veliajt nga SPAK dhe ende nuk ka asnjë reagim nga ana e kryeministri apo nga përfaqësues të PS. Mbetet për të parë nëse Rama do të mbajë standartin e vënë deri më tani, se kush arrestohet nga drejtësia largohet përfundimisht edhe nga Partia Socialiste.
Këtë qëndrim Rama e ka mbajtur me ish-bashkëpunëtorë të afërt të tij në qeveri, të cilët pasi kanë rrënë në rrjetën e drejtësisë, janë përjashtuar nga partia si Sajmir Tahiri, Arben Ahmetaj, Ilir Beqaj, Lefter Koka apo Vangjush Dako.
Erion Veliaj është zyrtari tjetër i lartë i Partisë Socialiste që shkon në burg. Edhe pse ndodhej nën hetim nga SPAK, kohët e fundit Rama e ka pasur në krah kryebashkiakun e Tiranës në takimet që ka zhvilluar, ndryshe nga ç’ka vepruar me të tjerët që i shmangte që kur ndodheshin ende nën hetim.
