Ish zëvendësministri i Arsimit dhe studiuesi shkencor Taulant Muka ka vijuar me denoncimet ndaj rektorit Artan Hoxha. Tek Ora News, Muka denoncoi se Bordi i Administritmit të Universitetit i ka dhënë tendera miliona lekësh kompanisë së dajës së Rektorit Artan Hoxha.
Sipas dokumenteve të publikuara nga Muka, kompania e dajës së rektorit Artan Hoxha ka përfituar rreth 200 mijë euro tendera.
Edhe pse me aspektet financiare merret Administratori i UT dhe Bordi i Administrimit, dukshëm kanë favorizuar dajën e Rektorit duke i dhënë rreth 200,000 Euro tendera thote Muka.
"Pra, këta vjedhin paratë publike për të marrë tituj që nuk i meritojnë, punësojnë njerëz të paaftë duke i bërë dëm ekonomik vendit duke mos lejuar edhe zhvillimin e tij. sigurisht, vjedhin edhe atë para publike duke ua dhënë fondet dajave apo të afërmve të tyre.
Edhe në rastin e Artan Hoxhës, në vendimin e Birdit Administrativ ishte vënë re që i ishte dhënë një tender 200 mijë euro një shtëpie botuese nga daja i rektorit dhe ajo që u pa nga analiza që ishte bërë, ishte fakti që daja botues kishte marrë fonde nga Universiteti i Tiranës vetëm në momentin kur nipi i tij, Artan Hoxha kishte ardhur në krye të Universiteti."
