Kryefjala në seancën e sotme parlamentare është mandati i deputetes Olta Xhaçka. Pas marrjes së opinionit nga Komisioni i Venecias, deputetët e Partisë Demokratike kërkojnë që mocioni të votohet në Parlament, PS refuzon.
Në çdo fjalim të djathtëve theksohet shkelja e Kushtetutës nga maxhoranca. Madje, deputeti Asllan Dogjani vijon të qëndrojë në këmbë afër foltores duke kujtuar socialistëve se po shkelin ligjin. Ndaj tij, kryetarja e Parlamentit lëshoi edhe një vërejtje për shkelje të procedurës parlamentare.
Përkundrejt pretendimeve të opozitarëve, deputetët socialistë Klotilda Bushka dhe Taulant Balla, hodhën poshtë akuzat dhe theksuan se Komisioni i Venecias ka konfirmuar të drejtën e parlamentit për të votuar çështje që janë brenda kompetencës së tij. Ai nënvizoi se mazhoranca ka respektuar ndarjen e pushteteve dhe parimet e Kushtetutës, duke mos devijuar nga proceset ligjore.
