Presidenti ukrainas, Volodymyr Zelensky, ka reaguar për herë të parë pasi Joe Biden njoftoi paketën e re ndihmëse për Ukrainën.
Zelensky wshtw shprehur se ndihma shtesë prej 2.5 miliardë dollarësh për sigurinë ka ardhur në një kohë kritike dhe do të ndihmojë në forcimin e mbrojtjes ukrainase përgjatë vijës së frontit.
“Çdo akt solidariteti nga partnerët tanë shpëton jetë, forcon pavarësinë dhe qëndrueshmërinë tonë. Kjo dëshmon gjithashtu se demokracitë janë më të forta se agresorët autoritarë”, tha Zelensky në një postim në X.
Njoftimi i Biden për ndihmën e re të SHBA përfshin 1.25 miliardë dollarë ndihmë ushtarake nga stoku i SHBA dhe një paketë 1.22 miliardë dollarësh të Iniciativës së Ndihmës Ushtarake (USAI) për Ukrainën, paketa e fundit e USAI nën presidencën Biden.
Sipas USAI, pajisjet ushtarake blihen nga industria e mbrojtjes ose partnerët dhe jo nga rezervat amerikane, që do të thotë se mund të duhen muaj apo edhe vite për të arritur në fushën e betejës.
