Territori shqiptar do të ndikohet nga masa ajrore të origjinës verilindore, duke sjellë vranësira dhe reshje shiu e dëbore në pjesën më të madhe të vendit. Reshjet do të jenë më të theksuara në pjesët veriore dhe jugore të Shqipërisë. Gjatë orëve të mesditës, pritet një largim gradual i vranësirave nga e gjithë Shqipëria, duke mundësuar kthjellime në pjesën më të madhe të territorit, megjithatë temperaturat do të mbeten të ulëta.
Në zonat malore, ngricat do të rikthehen në akset rrugore, duke përfshirë të gjithë këtë pjesë të vendit. Temperaturat e ajrit do të bien me të paktën 3°C, me vlera që luhaten nga -3°C, e cila është shënuar në Pukë, deri në 13°C në qytetet e Durrësit dhe Fierit.
Era do të fryjë me intensitet mesatar deri në të fortë, me shpejtësi mbi 50 km/h, kryesisht nga drejtimi verilindor. Kjo do të krijojë dallgëzim mbi 3 ballë në brigjet detare.
