Kronika 10 Qershor 2024, 13:22 Nga VNA

"Metamorfoza"/ Arrestohet “Leksi i druve”, konflikti me ish deputetin socialist

Ndaje në Whatsapp
"Metamorfoza"/ Arrestohet “Leksi i druve”, konflikti me

Aleksandër Deda, alias Aleks Ndreka i njohur si Leksi i Druve është arrestuar në Itali. Ai është prangosur në aeroportin e Malpensas në Milano.

Ndreka ishte i shpallur në kërkim në kuadër të operacionit "Metamorfoza". Ndaj tij ishte caktuar masa e sigurisë "arrest në burg" në mungesë. Në hetimet e SPAK në kuadër të operacionit Revanshi, rezultoi se Leksi i Druve ishte vënë në shënjestër për tu vrarë nga grupi kriminal i drejtuar nga ish- deputeti socialist Arben Ndoka.

Ka prova që dokumentojnë faktin se Arben Ndoka është porositësi për vrasjen e Aleks Ndrekës duke angazhuar shtetasit Arian Tuku, Samuel Ndoka, Vinçens Tuku dhe persona të tjerë ende të pa identifikuar.

Dhe se vrasja do të kryhej për arsye se Arben Ndoka e akuzon shtetasin Aleks Ndreka si person që ka strehuar vrasësit e vëllait të tij shtetasit Aleksandër Ndoka, vrarë më datë 9 Dhjetor 2017 në Lezhë.

Leksi i Druve akuzohet nga SPAK se bashkëpunonte me Behar Bajrin dhe e informonte për lëvizjet e dy kundërshtarëve të tij Ibrahim Lici, Dorian Duli dhe Genc Tafili po planifikonin për ti vrarë.

Njoftimi nga Policia e Shtetit

Kapet në Milano dhe arrestohet provizorisht, për t’u ekstraduar në Shqipëri, një 47-vjeçar i akuzuar në kuadër të megaoperacionit “Metamorfoza”, për pjesëmarrje në grup të strukturuar kriminal, për sigurim kushtesh/mjetesh për të kryer vrasje.

Si rezultat i informacionit të siguruar për vendndodhjen e një shtetasi të shpallur në kërkim ndërkombëtar dhe shkëmbimit të këtij informacioni ndërmjet Interpol Tiranës dhe Interpol Romës, nga Policia italiane u mundësua lokalizimi dhe kapja në Milano, Itali, me qëllim ekstradimin në Shqipëri, e shtetasit A. N., 47 vjeç.

47-vjeçari ishte shpallur në kërkim ndërkombëtar në kuadër të megaoperacionit “Metamorfoza”, pasi GjKKO, më datë 23.07.2023, i ka caktuar masën e sigurisë “Arrest në burg”, për veprën penale “Sigurimi i kushteve dhe i mjeteve materiale për të kryer vrasje”, kryer në kuadër të grupit të strukturuar kriminal.

Vijon bashkëpunimi me homologët në Itali, për të finalizuar ekstradimin e shtetasit A. N., në Shqipëri.

Video

Korçë – Sherr me thika në lokal, 3 të plagosur, shoqërohen personat e tjerë të përfshirë në konflikt Një ngjarje e rëndë është shënuar mbrëmjen e sotme në qytetin e Korçës, ku një konflikt mes dy grupe personash ka përfunduar me përdorimin e thikës dhe armëve të ftohta. Si pasojë, tre persona kanë mbetur të plagosur, ndërsa njëri prej tyre raportohet se ka marrë plagë në zonën e barkut. Njoftimi i Policisë: Rreth orës 21:30, në lagjen nr. 1, Korçë, në ambientet e një lokali, gjatë një konflikti për motive të dobëta, janë dëmtuar, dyshohet me mjet prerës (thikë), shtetasit S. Sh. dhe M. Xh., të cilët po marrin ndihmë mjekësore në spital, jashtë rrezikut për jetën. Shërbimet e Policisë kanë ndërhyrë menjëherë dhe kanë shoqëruar në Komisariat, për veprime të mëtejshme, tre shtetas të tjerë të përfshirë në konflikt, të dyshuar si autorë, konkretisht shtetasit I. Sh., D. P. dhe G. D. Grupi hetimor, nën drejtimin e Prokurorisë, po punon për zbardhjen e rrethanave të ngjarjes.

Ish-presidenti amerikan, Joe Biden, është shfaqur duke ngrënë akullore dhe duke bërë shaka me qytetarë të ndryshëm gjatë një daljeje të rrallë në Delaware, pavarësisht raportimeve mbi gjendjen e tij shëndetësore për shkak të kancerit të prostatës. Gjendja e tij psikologjike, që nga koha kur ishte në Shtëpinë e Bardhë, ka qenë gjithashtu objekt diskutimi dhe debati në SHBA. Biden la detyrën më 20 janar 2025, ditën kur Donald Trump nisi mandatin si Presidenti i 47-të i SHBA-së.

Një aksident rrugor është regjistruar pak çaste më parë në dalje të Lezhës, pranë kryqëzimit të Ishull Shëngjinit. Dy automjete janë përplasur me njëra-tjetrën dhe si pasojë e goditjes së fortë, një nga makinat ka përfunduar në një parcelë anash rrugës, duke plagosur 2 persona. Burimet nga vendngjarja raportojnë se shkak i aksidentit dyshohet të ketë qenë prerja e rrugës nga një automjet që lëvizte në drejtim të Tiranës. Njoftimi i plotë: Rreth orës 19:40, në aksin rrugor “Lezhë–Milot”, automjeti me drejtues shtetasin R. D. është përplasur me automjetin që drejtohej nga shtetasi F. P. Si pasojë e aksidentit kanë mbetur të dëmtuar pasagjeri në automjetin e shtetasit R. D., shtetasi M. V., si dhe të dy drejtuesit e automjeteve. Të tre të dëmtuarit janë transportuar në Spitalin e Traumës, Tiranë, për ndihmë më të specializuar mjekësore. Grupi hetimor ndodhet në vendngjarje dhe po punon për sqarimin e rrethanave dhe shkaqeve të aksidentit.

Treni del nga shinat në Egjipt/ Tre persona humbin jetën, plagosen dhjetëra të tjerë Një tragjedi ka ndodhur në Egjipt, ku disa vagonë të një treni pasagjerësh që udhëtonte nga Aleksandria për në qytetin Marsa Matrouh dolën nga shinat dhe u përmbysën. Si pasojë e aksidentit, 3 persona humbën jetën dhe 54 të tjerë u plagosën. Aksidenti ka ndodhur në veriperëndim të Egjiptit, dhe ka shkaktuar një shqetësim të madh për autoritetet lokale dhe kombëtare. Menjëherë pas incidentit, Zëvendëskryeministri dhe Ministri i Transportit, Kamel al-Wazir, ka udhëtuar në vendngjarje për të monitoruar situatën dhe për të ofruar mbështetje të menjëhershme. Ndërkohë, hetimet për shkaqet e aksidentit vijojnë.

Doni të informoheni të parët për lajme ekskluzive?

Bashkohuni me grupin tonë privat.

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme