Janë mbyllur zyrtarisht qendrat e votimit në të gjithë Kosovën për zgjedhjet parlamentare. Procesi i votimit nisi në orën 07:00 të mëngjesit dhe u zhvillua në 2,589 vendvotime të shpërndara në mbarë vendin.
Pas përfundimit të votimit, ka nisur menjëherë numërimi i votave, ndërsa rezultatet e para paraprake priten të publikohen para mesnatës.
Rreth 2 milionë qytetarë, brenda dhe jashtë Kosovës, patën të drejtën e votës, por pjesëmarrja u regjistrua rreth 40%, një shifër më e ulët krahasuar me zgjedhjet parlamentare të vitit 2021.
Procesi zgjedhor është zhvilluar në përgjithësi qetësisht, ndërsa vëmendja tani është përqendruar te numërimi i votave dhe rezultatet që do të përcaktojnë përbërjen e re të Kuvendit të Kosovës.
