SPAK reagon për mediat dhe njofton se do të ankimojë vendimin e Gjykatës së Posacme që revokoi masën e sigurisë “arrest shtëpie” për ish-kryeministrin Sali Berisha duke e liruar atë.
“Pasi Prokuroria e Posaçme të njihet me vendimin e zbardhur të Gjykatës së Posaçme të Shkallës së Parë kundër Korrupsionit dhe Krimit të Organizuar do të vijojë procedurën e ankimimit në Gjykatën e Posaçme të Apelit”, thuhet në reagim.
Ish-kryeministri i pandehur për korrupsion, u lirua ditën e sotme nga arresti shtëpiak ku mbahej prej 30 dhjetorit të vitit të kaluar. Aktualisht në Gjykatën e Posacme po vijon procesi gjyqësor ndaj tij në seancë paraprake.
