Lifestyle 27 Gusht 2025, 07:35 Nga VNA

“Ha çfarë të duash, paguaj sa të mundesh” nisma që po përhapet në restorantet e Mexico City

Ndaje në Whatsapp
“Ha çfarë të duash, paguaj sa të mundesh”

Restoranti me yll Michelin, Masala y Maiz, i njohur për kuzhinën e tij të veçantë që bashkon shijet meksikane, afrikane dhe indiane, ka fituar vëmendje të madhe jo vetëm për gatimet, por edhe për iniciativën sociale “Eat What You Want, Pay What You Can” (“Ha çfarë të duash, paguaj sa të mundesh”).

Shefat dhe pronarët, Norma Listman dhe Saqib Keval, kanë vendosur disa herë në vit të ofrojnë menu të plotë pa çmim të caktuar. Klientët marrin një zarf ku vendosin pagesën që munden ose që e shohin të arsyeshme, duke specifikuar edhe pjesën që shkon për stafin. Nuk ka rezervime, vetëm hyrje sipas radhës, dhe ushqimet shërbehen me të njëjtën cilësi si ditët normale.

Listman dhe Keval thonë se kjo është një mënyrë për të thyer hendekun ekonomik e shoqëror në një qytet që përballet me gentrifikim dhe pabarazi të mëdha. Shumica e klientëve japin një kontribut, ndonjëherë edhe art origjinal për stafin, ndërsa të tjerë kanë paguar deri tre herë më shumë se çmimi i zakonshëm.

Këtë vit, për herë të parë, 20 restorante të tjera në Mexico City iu bashkuan nismës më 27 gusht, në një ditë të posaçme “Eat What You Want, Pay What You Can”. Mes tyre janë edhe furra tradicionale si Panadería Valle Luna apo restoranti me yll Michelin Expendio de Maíz.

Shefat shpresojnë që kjo praktikë të shndërrohet në një traditë ndërkombëtare. “Na kanë kontaktuar nga Kili, Kolumbia, Peruja… Nuk ka arsye pse kjo të mos bëhet një nismë globale,” tha Keval.

Për shumë prej pjesëmarrësve, kjo është mbi të gjitha një mesazh solidariteti dhe uniteti. “Është një mënyrë për t’i kthyer diçka komunitetit dhe për të thyer paragjykimet,” u shpreh Ximena Igartúa nga Loup Bar, një prej lokaleve që u bë pjesë e kësaj dite.

Një yll Michelin mund të sjellë famë, por për Masala y Maiz, më e rëndësishme është që ushqimi të mbetet i aksesueshëm për të gjithë.

Video

Dikur ishim para Gjermanisë. Tani jemi para gjithë Europës

Tom Doshi pas daljes nga SPAK: Siç ka thënë dhe Erioni, kolegët të pyesin për çdo gjë.

Tom Doshi mbërrin në SPAK.

Krahu Lindor i Shtëpisë së Bardhë po shembet për t’i hapur rrugë ndërtimit të një salle luksoze ballosh, një projekt me vlerë 250 milionë dollarë i prezantuar nga Presidenti Donald Trump. Megjithëse u premtua se struktura historike nuk do të prekej, punimet kanë nisur me shkatërrimin e pjesës lindore që daton nga viti 1902. Projekti përfshin një sallë prej 25,000 metrash katrorë me dizajn të frymëzuar nga resorti Mar-a-Lago, me llambadarë kristali, kolona të praruara dhe zbukurime ari. Salla do të përdoret për darka shtetërore dhe ngjarje zyrtare, me një kapacitet prej 1,000 personash dhe dritare antiplumb. Ajo pritet të financohet kryesisht nga donatorë privatë, përfshirë kompani të mëdha teknologjike dhe të mbrojtjes. Në një moment simbolik, Donald Trump hapi perdet e arta për të zbuluar vendin e ndërtimit dhe shpalli nisjen zyrtare të shembjes. Ai deklaroi se kjo do të jetë “salla e vallëzimit më e bukur ndonjëherë” dhe përmendi plane për një hark përballë Varrezave të Arlingtonit, nëse mbeten fonde. Dëshira për një sallë të tillë daton që nga viti 2010, kur ai shprehu pakënaqësinë për ambientet ekzistuese të darkave shtetërore në kohën e Presidentit Obama.

Doni të informoheni të parët për lajme ekskluzive?

Bashkohuni me grupin tonë privat.

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme