Bashkia e Tiranës, më e madhja në vend është pa drejtues. Erion Veliaj nga burgu i Durrësit firmosi një urdhër që i hoqi kompetencat Anuela Ristanit për të drejtuar institucionin, një lëvizje më shumë sesa mbarëvajtje e punëve, duket se është një lëvizje e mirë menduar e tij.
Por, ndonëse kanë kaluar 4 ditë nga ky vendim, Veliaj ende nuk ka firmosur një urdhër të ri për të deleguar detyrat e kryebashkiakut për sa kohë ai është në pamundësi për të drejtuar, për shkak se ndodhet në qelitë e paraburgimit dhe po gjykohet nga GJKKO për 13 akuza penale.
A është kjo një lëvizje e qëllimtë para se Gjykata e Lartë të shqyrtojë rekursin e kryebashkiakut për masën e sigurisë? Apo një sfidë e hapur e Veliajt për Edi Ramën?
Me gjasë gjërat do të bëhen më të qarta kur Veliaj të përzgjedhë emrin e ri që do ti japë kompetencat e kryetarit, nisur edhe nga fakti se përpara janë zgjedhjet vendore.
