Agjentët e BKH-së dhe Policia e Shkodrës po ushtrojnë kontrolle në disa zona si Malësia e Madhe, Barbullush, Bushat dhe Mjedë. Burimet bëjnë me dije se bëhet fjalë për hetimet që lidhen me krimet zgjedhore të regjistruara përgjatë muajit të fundit. Në Shkodër është caktuar prokurori i Posaçëm Dritan Prençi. Në kuadër të strategjisë për hetimin e krimit zgjedhor janë caktuar prokurorë në 12 qarqe.
Burimet thonë se agjentët e BKH po mbështeten në terren nga oficerë dhe patrulla të DVP Shkodër.
BKH po kryen edhe veprime të tjera hetimore. Qarku Shkodër shihet si shumë problematik edhe për shkak të faktorit PSD të Tom Doshit, që synon të paktën dy mandate.
