SPAK ka administruar 123 materiale kallëzuese në lidhje me krimet zgjedhore të raportuara gjatë këtij viti. Nga këto, 35 raste janë regjistruar si procedime penale dhe ndodhen aktualisht në fazën e hetimit.
Bilanci i materialeve të administruara:
•35 procedime penale të regjistruara;
•22 vendime për mosfillim hetimi penal;
•16 kallëzime janë dërguar për kompetencë në prokuroritë e rretheve;
•10 materiale janë në proces verifikimi nga Policia e Shtetit;
•1 kallëzim është bashkuar me një çështje ekzistuese;
•Pjesa tjetër mbetet në proces verifikimi paraprak.
Origjina e procedimeve penale:
•20 janë bazuar në referime nga Policia e Shtetit;
•8 janë nisur kryesisht nga vetë SPAK;
•3 janë ngritur mbi kallëzime nga qytetarë;
•2 janë referuar nga prokuroritë e rretheve;
•2 janë iniciuar nga subjekte politike.
Veprat penale që po hetohen:
•29 procedime janë regjistruar për korrupsion aktiv në zgjedhje (neni 328 i Kodit Penal);
•4 procedime për korrupsion aktiv dhe pasiv në zgjedhje (nenet 328 dhe 328/b);
•1 procedim për përdorim të funksionit publik për qëllime politike (neni 328/a);
•1 procedim tjetër për kombinim të nenit 328/a dhe shpërdorim detyre (neni 248).
SPAK ka nën vëzhgim të shtuar rastet që lidhen me manipulimin e votës, presionin mbi votuesit dhe përdorimin e burimeve shtetërore për përfitime politike. Autoritetet po vijojnë me verifikime dhe marrje në pyetje të personave të përfshirë.
