Mijëra protestues mbushën sheshet e Kievit pas orës 21:00 të së martës, duke kënduar himnin kombëtar dhe duke mbajtur postera kundër Ligjit Nr. 12414, që u miratua nga parlamenti dhe u firmos nga Presidenti Zelensky. Protesta të ngjashme u mbajtën edhe në Lviv dhe Odessa, duke shënuar valën e parë të madhe të protestave që prej nisjes së pushtimit rus.
Ligji i ri vendos Byrosë Kombëtare Kundër Korrupsionit dhe Zyrën e Prokurorit të Posaçëm nën kontrollin e Prokurorit të Përgjithshëm, të emëruar nga presidenti, duke shkaktuar shqetësime për dobësimin e institucioneve të pavarura. Zelensky e mbrojti ligjin, duke deklaruar se është i nevojshëm për të larguar ndikimin rus nga agjencitë antikorrupsion.
Megjithatë, organizata si Transparency International paralajmërojnë se ky është një hap pas për Ukrainën, e cila vijon të përballet me nivel të lartë korrupsioni dhe presion ndaj institucioneve të pavarura. Protestuesit e akuzuan gjithashtu kreun e zyrës presidenciale, Andriy Yermak, si njeriun që qëndron pas këtij ligji, në një kohë kur lufta me Rusinë dhe goditjet me dron vijojnë të rëndojnë mbi vendin.
