Raporti i New York Post vjen pas një rishikimi 90-ditor të pranisë së Amerikës në këtë organizatë të OKB-së, i fokusuar në hetimin e “çdo ndjenje antisemite apo anti-izraelite brenda organizatës.”
Presidenti amerikan Donald Trump do ta tërheqë SHBA nga UNESCO (Organizata e Kombeve të Bashkuara për Arsim, Shkencë dhe Kulturë), raportoi të martën New York Post.
Sipas New York Post, Trump synon të largohet nga kjo organizatë e OKB-së për shkak të “prirjeve të saj anti-amerikane dhe anti-izraelite,” si dhe për shkak të “agjendës së saj ‘woke’.”
Në shkurt, Trump urdhëroi një rishikim 90-ditor të pranisë së Amerikës në UNESCO, i cili u fokusua posaçërisht në hetimin e “çdo ndjenje antisemite apo anti-izraelite brenda organizatës.”
Një zyrtar i Shtëpisë së Bardhë i tha New York Post se zyrtarët e administratës Trump kishin kundërshtuar politikat e UNESCO-s për Diversitetin, Barazinë dhe Përfshirjen (DEI), si dhe qëndrimet pro-palestineze dhe pro-kineze.
Trump tashmë ishte larguar më parë nga UNESCO Trump ndërmori hapa të ngjashëm gjatë mandatit të tij të parë, duke u tërhequr nga Organizata Botërore e Shëndetësisë, Këshilli i të Drejtave të Njeriut i OKB-së, marrëveshja globale për ndryshimet klimatike dhe marrëveshja bërthamore me Iranin.
