U deshën 3 ditë kërkime në lumin Buna në Shkodër që polumbarët të gjejnë të 4 trupat e pajetë që u kthyen në tragjedinë e ditëve të fundit. Polumbarët mesditën e sotme kanë mundur të gjejnë edhe kufomën e fundit në lumin Buna që është Alma Arrazi. Sipas Policisë trupi i pajetë u gjet në fshatin Pentar të Njësisë Administrative Dajç.
Ndërkohë që ditën e sotme u gjet dhe trupi i djalit 3-vjeçar të familjes Arrazi, ndërsa dje dhe pardje u gjetën trupat e vajzave, 8 dhe 9 vjeçe.
Kujtojmë se shkak i kësaj ngjarje të rëndë dhe tragjike, dyshohet se ka qenë gjendje e rënduar psikologjike e nënës, pas konflikteve për tradhëti dhe dhunës që ka pasur nga bashkëshorti i saj Erdgys Arrazi. Kjo e ka shtyrë 39-vjeçaren që të hidhej bashkë me fëmijët nga ura e Bunës dhe për pasojë të katërt humbën jetën.
Ky i fundit ndodhet pas hekurave për shtytje drejt vetëvrasjes së Alma Arrazit, ndërsa gjykata caktoi ndaj tij masën ‘arrest me burg’.
