Besa Shahini, ish-ministre e Arsimit në Shqipëri dhe anëtare e Partisë Socialdemokrate në Kosovë, ka shpallur kandidaturën për kryetare të Komunës së Prishtinës në zgjedhjet lokale të kësaj vjeshte.
Në një postim në Facebook, ajo theksoi se vendimi i saj është pjesë e një përpjekjeje për të ndryshuar drejtimin e zhvillimit të kryeqytetit, të cilin e përshkroi si të betonizuar, të papastër dhe me mungesë të hapësirave të gjelbërta.
Shahini bëri thirrje për një “ndryshim radikal” në menaxhimin e qytetit dhe ftoi qytetarët të bashkohen në këtë nismë. Ajo ka një përvojë të gjatë në fushën e arsimit dhe politikave publike në Shqipëri dhe rajon.
