Një tërmet i fuqishëm me magnitudë 5.8 të shkallës Rihter goditi në orën 02:17 të mëngjesit të së martës brigjet e ishullit Rodos në Greqi.
Sipas të dhënave fillestare, epiqendra e tërmetit ndodhej 21 kilometra në veri të Rodosit, ndërsa thellësia u vlerësua në 64.9 kilometra. Dridhja është ndjerë gjerësisht edhe në disa rajone të Turqisë si dhe në ishullin Kretë.
Fillimisht, tërmeti ishte raportuar me magnitudë 5.7 Rihter, me epiqendër 26 kilometra në verilindje të Rodosit dhe një thellësi prej 40 kilometrash. Ndërkohë, Instituti Sizmologjik Euro-Mesdhetar e vlerësoi më vonë lëkundjen me magnitudë 6.0, me epiqendër 19 kilometra në veri të ishullit.
Deri më tani nuk ka raportime për dëme materiale apo persona të lënduar.
